Last posts on joan-pau verdier

Joan-Pau Verdier enregistre Lenga de Pelha

2017-04-07T16:28:00+02:00

Une fois n'est pas coutume, ce n'est pas un album !

Joan-Pau Verdier vient de terminer l'enregistrement de "Lenga de Pelha, ragots d'oc", 22 chroniques en occitan, à paraître dans un livre + CD édité par Novelum IEO Périgord.

Ci joint, un bon de souscription à prix préférentiel 10€ au lieu de 12€, avec frais de port offerts; offre valable jusqu'au 30 avril 2017.

Soyez-les premiers à en bénéficier en recevant le livre+CD directement à votre domicile!

BON DE SOUSCRIPTION LDP-1.pdf

Photos par Denis Gilabert (DR) : Joan-Pau Verdier et Franck Lutton, ingénieur du son, au travail fin mars 2017 dans les studios de France Bleu Périgord.

Lo regime del Paire Nadal

2014-12-13T11:03:00+01:00

Quel conte de Daniel Lhomond fuguet revirat en òc per Joan-Pau Verdier per preparar las emissions de Meitat-chen, meitat-pòrc sur los contes de Nadau dels 21 et 28 de decembre a venir. Ne'n tornarem parlar, mas per lo moment, a vos de legir quel brave present d'avant-Nadal que fan Daniel e Joan-Pau aus legeires de Rubrica en òc.

°°

Lo regime del Paire Nadal

Figuratz vautres que i a fòrça temps, longtemps del temps d’avant, lo Paire Nadal se’n anava librar sos jugets aus enfants del mond entier. Cantejava puèi que tot anava ben. Lo traineu eslampiava,la benasta èra plena,los rènes joios e fortauds perque venián de minjar un’ensalada de prunons d’Agen al vin de Pecharmant, e neviá juste çò que caliá per far eslampiar lo traineu e far crane.

Figuratz vautres qu’arribats en Peirigòrd, tots los rènes se son sentits un mal de bedon infernal. Quò vivonava dins cada pança de rène, quò fasiá un talabast que se semblava un auratge sens las eslhauciadas. Los rènes, los paurets avián ‘trapat una malautia de ventre ben coneguda. Cadun se l’atrapa un jorn o l’autre, mesma si uèi quò se sona « gastrò » perque quò fai mai elegant. Mas geina tan coma la cagada, la vai-viste, la caganha , la traucaplais e tanben la famosa foira.

Los rènes borrinos podián endonc pus tirar lo traineu. Lo Paire Nadal se migrèt. Ne’n purava mesma de las lagremas gialadas sus sa barba blanca. A queste moment, La Lebre, lo cap de las lebres, venguèt a bombir per aquí. Se quilhèt, brochèt un parelh de cauças emb sas doas pautas de davant, espièt 125 còps per darrièr, 124 còps per davant, 123 còps a gaucha, 122 a drecha e puèi damandèt :

- Paire Nadal, que se passa?

- Oh, veses ben La Lebre, cap de las lebres, mos rènes pòdon pus avançar, an talament mal al bedon que ma virada es fotuda. E los drolets qu’esperan lors jogarons…

- Pesolhs, calhaus, genolhons… faguèt La Lebre que coneissiá la gramatica francesa … Mas me’n vau t’adobar aquò…

Se botèt a coínar, a udlar coma un nenet, a s’escraunar coma un mamiron bramaire e còp sec gisclèron dels quatre conhs, quatra lebres plan bravas e fauvas, coma de las remembranças de fadum. Las lebres prenguèron la plaça deus rènes e jiiiiiiiiiiiiiiiou ! lo traineu avancèt… enfin sopièt. Mas res tombèt e los enfants an pogut recebre lors juguets a l’ora…

I aguèt mas mon oncle Kilò per s’estonar lendoman de las traulhas puntilhadas sus la neviá daissadas per una gròssa lièja e de las piadas de lebres ben simetricas… Mas coma èra un contaire, degun l’a cregut…

E dempuèi, pensatz ben, lo Paire Nadal minja pus jamai de lebre, l’es ben tròp reconeissent.

Daniel Lhomond, revirat en òc par Joan-Pau Verdier

”Duò de pros per ondas en òc”, per Denis Gilabert

2013-10-02T04:49:05+02:00

Aujourd'hui nous rencontrons Joan-Pau Verdier et Martial Peyrouny, non pas l'auteur-compositeur- interprète et le professeur référent des questions d'enseignement de l'occitan, mais le célèbre duo de « Meitat chen, meitat pòrc », l'émission occitane de France-Bleu Périgord.

« L'émission que fuguet creada per Joan Bonafon en 96, es aura la mai anciana de l'estacion. L' ideia de Joan era de boirar doas competéncias : Joan Pau per la partida musicala e culturala e Marçau, assabentat de ço que se passa dins lo mitan occitan. L'emission es enregistrada dins las condicions dau direct o b'etot sur plaça, coma per la Felibrejada o los reportatges. Devem segre lo format et lo caïer de la charjas d'una radiò de servici public de granda difusion. La prumiera partida es l'intervista, los convidats son pas nonmas daus occitanistas, mas dau monde de pertot dins lo domeni occitan que fan quauqua ren en e per la lenga d' òc. Chascun parla son dialecte. L'intervista es corta, 'laidonc los convidats van a l'essentiau . Apres las infòs de mieijorn, Joan-Pau dich son bilhet, e venen lo dicton e la novelas. Las chausidas musicalas presentan tota la creacion occitana ,dau tradicionau jusc' au hard-rock en passar per jazz-blues, chansons, de tots dialectes per drubir l'aurelha e far prener conciencia de l'unitat de la lenga. Lo monde nos escotan tanben per la programacion musicala. Qu'es un plaser de far auvir los artistes qu'aiman ». Quels sont vos meilleurs souvenirs? «Pas aisat de chausir, fasem de las super rencontras ! Disem, l' intervista bilingue coma François Dubet, sociològue e lo reportatge sur los cacaus chas Luceta Daubruelh.Lo convidat de l' emission dau 6 de octobre sera Ramon Faura-Labat ». Une idée du nombre d'auditeurs ? « L'emission amassa de 30 a 40000 auditors per diumenc, pas nonmas daus occitanistes o occitanofònes. Es unica sur lo malhum França Blu. La tòca es de balhar paraula e visibilitat a l'occitan, volem l'utilizar coma lenga de comunicacion normala , naturala, abituala ».

Avec une formule aussi bien rodée, pas étonnant que le succès soit au rendez-vous, espérons encore pour longtemps !

Sabiatz vos que...

Segon Joan-Pau, "Meitat-chen, meitat-pòrc", nom de l'emission es tirat d'una vielha expression entre Peirigòrd e Lemosins. Los Lemosins disián: "Vautres que sètz dau Peirigòrd sètz meitat-chen, meitat-pòrc. E los Perigordins lor respondián: "E vautres dau Lemosin setz meitat-chen, meitat-coquin!". La chanson de Peiraguda "Lo garric" s'inspira dau mesme biais de dire.

Denis Gilabert.

Festivals occitans en Perigòrd en julhet-aust: l'estiu sera òc!

2013-06-30T11:14:00+02:00

Veiqui los festivaus onte podretz auvir la musica e las chançons occitanas e dançar en Perigòrd pendant l'estiu 2013. Clicatz qui-dejòs per lo detalh de la programacion.

- La Felibrejada, Brageirac dau 05 au 07 de julhet: Lou Dalfin, Jean Bernard Plantevin, Igor, Talabast ...

- Lo festival "Les guitares vertes" ( Jumilhac, Thiviers...) lo 11 de julhet Moussu T e leï Jovents

- Les Tradigordines de Lalinde da 26 au 28 de julhet

- Lo Festenau du Périgord Central dau 3 au 11 de aust :

- La Ranversada de Vergt dau 15 au 17 de aust

e de segur, en defòra de Perigòrd mas emb de la programacion d'artistes de chas nos :

- L' Estivada de Rodez dau 23 au 27 de julhet, coma Talabast là 27 de julhet

- Hestivòc de Pau, dau 22 au 25 d'aust a pau, coma Joan-Pau Verdier le 25 e Talabast le 22.

Ne'n paralrem au flor e a mesura.

Fotò : lo grope perigòrd Talabast

L'invité-lo convidat-de ”Meitat chen, Meitat pòrc” dau 10 de març

2013-03-06T19:14:00+01:00

Joan-Pau Verdier nos informa que lo convidat de l'emission de questa setmana sera

Philippe Corbière ,

de la novela Botica Adishatz de Perigüers ...Tot quò-qui sur :

Meitat chen , Meitat pòrc , chasque diumenc a 11 oras 30 sur França Blu Perigòrd!

Veiqui lo ligam vers França Blu Perigòrd

France-Bleu Périgord

L'invité-lo convidat-de ”Meitat chen, Meitat pòrc” dau 17 de feurier

2013-02-13T14:57:00+01:00

Joan-Pau Verdier nos informa que lo convidat de l'emission de questa setmana sera :

Joan Ganhaire,

Conselhier Generau de Brantosme, Delegat a la lenga e a la cultura occitanas, escrivaire occitan que nos parlara de la segonda amassada publica sur l'evolucion de la politica despartamentala en favor de la lenga e de la cultura occitana prevista per lo 28 de feurier ...Tot quò-qui sur :

Meitat chen , Meitat pòrc , chasque diumenc a 11 oras 30 sur França Blu Perigòrd!

Veiqui lo programa de l'amassada publica dau 28 de feurier

programa amassada 28 de feurier

lo ligam vers França Blu Perigòrd

France-Bleu Périgord

e vers lo site de Joan Ganhaire .

Jean Ganiayre